There’s many chaps that I should ken,
Or should I say, acquaint,
Or freens I’ll say, or should be when
Their company’s nae complaint,
They hail fae here, an’ hail fae there,
Fae the fields o’ cley an’ moss;
An’ congregate when time can spare,
In Mrs Lambie’s close.
Twa three chaps frae Pennyglen,
An’ some fae doon the brae,
Some travelin’ in fae auld Stepen’,
Tae gether in the fray.
There they stan’ an’ lay it forth;
A’ topics they discuss,
The time they spen’ in muckle worth,
In Mrs Lambie’s close.
Of course ther’s chaps there fae the toon,
Tae gae the local chat;
Tae tell o’ somebody’s honeymoon,
An’ ither things lik’ that.
But then again opinions puck,
An’ temper’s sometimes loss,
But never has a blow been struck,
In Mrs Lambie’s close.
Sae let us hope that friendship’s course
Will run as unco weel,
That time wae freenship will endorse,
Each close attendin’ cheil.
Lang standin’ freenship will abide,
Tho’ words at random toss;
If troubles chide just ye confide,
In Mrs Lambie’s close.
|
These poems
were written by my dad about Maybole and some of the characters from the
town. Some poems were written for events and 'smokers' do's. Some serious
some fictional and quite comical. Quite a few about Maybole in war time
and his thoughts about the war. Dad was the last son born 1907 to Emily
and Tom McColm. They lived in Montgomery Street till they moved to
Ladyland Road, across from the school which later
